Autoritetet shëndetësore në Zvicër kanë caktuar karantinë për 2.500 studentë në Fakultetin prestigjioz për hotelieri në Llozanë, për shkak të paraqitjes së numrit të madh të vatrave të virusit Covid-19.
Sipas autoriteteve në kantonin zviceran Vo, masa e karantinës ka të bëjë me të gjithë studentët në studime deridiplomike në atë universitet.
Supozohet se përhapja e infeksionit ka të bëjë me organizimin e një ose më tepër ahengjeve jashtë kompleksit universitar, me siguri para vendosjes së masave të reja anti-epidemiologjike në atë kanton nga mesi i këtij muaji.
Njëmbëdhjetë prej studentëve janë pozitivë në koronavirus, por asnjëri prej tyre nuk u hospitalizua.
Universiteti, i cili ka rreth 3.500 studentë, i ndërmerr të gjitha masat e domosdoshme për vazhdimin e mësimit përmes Internetit.