Në Gjermani janë konfirmuar gati 20.000 të sapoinfektuar me Covid-19, me çka numri i përgjithshëm i të infektuarve u rrit në 597.583 persona, njoftoi Instituti gjerman Robert Koh.
Gjatë 24 orëve të kaluara janë regjistruar 19.990 persona të porsainfektuar, që është numri më i madh që nga fillimi i epidemisë.
Numri i rasteve të vdekjes gjatë 24 orëve të fundit u rrit për 118 dhe është 10.930.
Në Gjermani nga e hëna është në fuqi mbyllja e pjesërishme, ndërsa ministri i Shëndetësisë Jens Shpan u bën thirrje qytetarëve që të përgatiten për kohë të vështira.
Në gjithë Gjermaninë janë mbyllur objekte hotelierike, institucione kulturore dhe janë ndaluar të gjitha format e tubimeve./MIA