Fshatit Budinarcë po i bëjnë roje zjarrfikësit nga Austria, Sllovenia e Bullgaria.
Ky është fshati në të cilin mbrëmë zjarret u afruan më së shumti.
Mbi fshat, pak metra nga mali, punëtorë të “Pyjeve Nacionale” po qëndronin në gatishmëri se mos zjarri del jashtë kontrollit.
Për të arritur me afër zjarrit, meqenëse tereni është i vështirë, u desh të shkojmë me furistrdë.
“Nata e mbrëmshme ishte më kritike për banorët e Budinarcit por edhe sot gjendja nuk është aspak e mirë edhe pse zjarri është më larg se sa mbrëmë. Këtu mbrëmë zjarri ka shkatërruar thuajse gjithë malin që është mbi fshatin Budinarcë”, Afrim Jonuzi, TV21.
Në vijën e parë te frontit janë disa pjesëtarë të “Pyjeve Nacionale” të cilët bëjnë roje.
“Si është gjendja? Po këtu është mirë, ishte më keq, tani është mirë! Në mëngjes ishte më keq? Po ishte. Ajo linja andej, tani duhet ta ruajmë”, thonë nga “Pyjet Nacionale”.
“Sot jemi nga ora 8.30. Kishte rrezik të përhapej në atë pjesë. Fat që kemi përvojë me zjarret si “Pyjet Nacionale” Berovë. Cili fshat është më i rrezikuar?Tani jemi menjëherë pas fshatit Budinarcë dhe këtu poshtë nuk ka më rrezik por e kemi patjetër të presim, të bëjmë roje, se mos zjarri zbret poshtë, sepse ka erë dhe ka rrezik të digjet dhe përsëri të bëjë problem”, thonë nga “Pyjet Nacionale”.
Meqenëse terreni është i vështirë, intervenimi në këtë pjesë bëhet vetëm me helikopter ose aeroplan.