Në 24 orët e fundit në Kosovë janë raportuar 8 raste të dhunës në familje

Gjatë 24 orëve të fundit në Kosovë janë raportuar 8 raste të dhunës në familje. Policia njoftoi se në Prishtinë, Lipjan e Gjakovë janë raportuar nga dy raste kurse, nga një rast në Rahovec e Fushë Kosovë. “Viktima femër kosovare ka raportuar se bashkëshorti i saj – i dyshuari mashkull kosovar, vazhdimisht ka ushtruar dhunë fizike dhe psikike ndaj saj. Nuk raportohet për të arrestuar, ndërsa rasti vazhdon të hetohet.”, njofton policia për rastin e dhunës në familje në Prishtinë. Kurse, në rastin tjetër  në Prishtinë tjetër, tre të dyshuar meshkuj kosovarë kishin sulmuar një anëtar tjetër të familjes. “Janë arrestuar tre të dyshuarit meshkuj kosovarë pasi që të njëjtit pas një mosmarrëveshje e kanë sulmuar fizikisht viktimën mashkull. Viktima ka pranuar trajtim mjekësor, ndërsa tre të dyshuarit pas intervistimit me vendim të prokurorit janë liruar në procedurë të rregullt.”, thotë Policia. Policia e Kosovës gjithashtu njofton se edhe në Lipjan ka pasur dy raste të dhunës në familje. “Është arrestuar i dyshuari  mashkull kosovar , pasi që i njëjti pas një mosmarrëveshje  ka ushtruar dhunë fizike ndaj viktimës femër kosovare. E njëjta ka pranuar trajtim mjekësor, ndërsa i dyshuari, pas intervistimit me vendim të prokurorit është dërguar në mbajtje.“, njofton policia e Kosovës. Gjithasthu në Lipjan burri i dehur e ka rrahur gruan dhe më pas e ka dëbuar atë nga shtëpia. “ Viktima femër kosovare ka raportuar se bashkëshorti i saj, i dyshuari mashkull kosovar, nën ndikim të alkoolit e ka dëbuar atë nga shtëpia. I dyshuari me vendim të prokurorit është dërguar në mbajtje”, bëhet e ditur në raportin e policisë. Në Gjakovë mbrëmë janë raportuar dy raste të dhunës në familje, ku në njërin rast djali ka kanosur babain e në rastin tjetër një femër është kanosur nga i dashuri. “Është arrestuar i dyshuari mashkull kosovar pasi që i njëjti e ka kanosur verbalisht viktimën mashkull kosovar (babain e tij).  Me vendim të prokurorit i dyshuari pas intervistimit është dërguar në mbajtje për 48-orë.“, njofton policia. “ Viktima femër kosovare ka raportuar se pas një mosmarrëveshje është kanosur verbalisht  nga i dyshuari mashkull kosovar përmes telefonit. Nuk raportohet për të arrestuar, rasti vazhdon të hetohet.”, bëhet e ditur në raportin e policisë. Raste të tilla ka pasur edhe në Fushë Kosovë ku vëllai ka rrahur vëllain dhe në Rahovec ku një femër është kanosur nga i dashuri. /21Media