Ndryshimet në Kodin Penal/ Mexhiti: Pazar politik, nuk kontribuojnë asgjë për reformat gjyqësore e aq më pak ato europiane

Ndryshimet e Kodit Penal nuk janë asgjë tjetër pos pazar politik, kështu u shpreh Izet Mexhiti kryetar i Lëvizjes Demokratike në Click Plus të TV21. Sipas tij ligji për ndryshimin dhe plotësimin e Kodit Penal nuk i kontribuon reformave gjyqësore e aq më pak atyre europiane.

“Është vet fakti se ministri i drejtësisë nuk e ka nënshkruar. Atëherë ose ministri i drejtësisë është kundër reformave europiane ose edhe ai e di se kjo nuk ka të bëjë me reformë por është devalvim i vlerave europiane dhe kjo është arsyeja pse nuk e ka nënshkruar. Këtu vetëm e amniston në mënyrë indirekte sepse zëvendësministri me ligj ka 0 kompetencë ose aq sa i delegon ministri dhe një ligj që e nënshkruan një zëvendësministër nuk mund të arkivohet në ministri pa lejen e ministrit.”- deklaroi Izet Mexhiti – kryetar LD.