Ndihmë nga NATO për përballje me Covid-19! 1,4 milion euro për blerjen e 60 respiratorëve për Maqedoninë

NATO siguron 1,4 milion euro për blerjen e 60 respiratorëve dhe pajisje mjekësore shtesë. Ndihma është vërtetim për solidaritetin aleat ndaj vendit tonë dhe vendeve të rajonit theksoi sekretari gjeneral i Aleancës, Jens Stoltenberg.

 “Pandemia Kovid-19 vazhdon të na sfidojë të gjithëve. Ushtritë tona vazhdojnë të luajnë rol kyç në mbështetjen e përpjekjeve civile. Edhe aleatët i ndihmojnë njëri tjetrit, përmes vendosjes së spitaleve mobile në terren dhe transportit të pacientëve. Edhe këtë muaj, Shqipëria, Mali i Zi dhe Maqedonia e Veriut do të marrin ndihmë nga rezervat e reja të NATO-së. KOVID-19 nuk bën që të zhduken sfidat tjera. D.m.th. mbetet me rëndësi vitale që të investojmë në mbrojtjen tonë”, deklaroi Jens Stoltenberg – Sekretar i Përgjithshëm i NATO-s. 

Shpërndarja e ngarkesës buxhetore gjithashtu ka qenë temë në takimin ministror. Te pjesa më e madhe e aleatëve sipas numrave të tanishëm, buxhetet rriten tashmë gjashtë vite me radhë. Trend të njëjtë ka edhe buxheti për mbrojtje i Maqedonisë së Veriut.

Ministrja e mbrojtjes, Radmilla Sheqerinska, në takimin e sotëm ka shprehur falënderim për ndihmën nga NATO.

 “Maqedonia e Veriut mbetet e përkushtuar në përcaktimin për rritje të vazhdueshme të buxhetit të mbrojtjes dhe arritjen e 2% të BPV në vitin 2024, si dhe ndarjen e 20% të buxhetit për furnizim me pajisje dhe modernizim në vitin 2021”, thonë nga Ministria e Mbrojtjes.

Ky është hap i cili konfirmon se solidariteti dhe gatishmëria që t’i ndihmohet secili aleat është vlera më e madhe në Aleancë, qëndron në kumtesën e Ministrisë së mbrojtjes. Ministrat kanë sjellë vendim për ndërtimin e qendrave kozmike në pjesën jugperëndimore të Gjermanisë. Takimi vazhdon edhe nesër, ku temat kryesore do të jenë misionet dhe operacionet paqeruajtëse, me fokus në Afganistan, Irak dhe Kosovë.