“Mustafë Pasha”, margaritari i Çarshisë. E ndërtuar para 531 vitesh, vizitohet nga rreth 200 turistë në ditë

Xhamia e “Musafa Pashës” pranë Kalasë së Shkupit vazhdon të mbetet si një margaritar i Çarshisë, që tërheq mijëra vizitorë në vit.

E ndërtuar me bazë katrore, me gurë gëlqeror dhe me një minare të gjatë 47 metra, ajo bie në sy nga të gjitha anët e qytetit, kjo edhe për shkak të lartësisë ku është ndërtuar.

Por çfarë përshtypjesh u lë xhamia “Mustafë Pasha” turistëve që e vizitojnë?

“Jam nga Gjermania. Asnjëherë s’kam hyrë në xhami më herët. Është hera ime e parë. Është shumë interesante, diçka e re. / Mendoj se është e rëndësishme të kuptosh kultura të ndryshme. Kjo ishte arsyeja pse erdhëm këtu të shohim xhaminë prej brenda. Është shumë e bukur, më vjen mirë që jam këtu”, u shpreh një turist gjerman.

“Është e bukur, e vjetër. Më pëlqen. Vizatimet e kaltra, otomane, arabe”, tha një turiste nga Turqia.

“Për mua është absolutisht normale të veshë këtë sepse respektoj kulturën islame. Kam pasion për këtë kulturë. Ndjenja gjatë lutjes, kam ndjenja të mira për relaks”, u shpreh një turiste nga Italia.

Imami i kësaj xhamie, Abdusamed Zeqiri, tregon se çdo ditë vijnë deri në 200 turistë. Për të hyrë në xhami, ka një kod të veshjes si për burrat ashtu edhe për gratë.

“Në ditë mund të themi lirisht se 100 deri në 200 turistë vijnë e vizitojnë xhaminë e Mustafa Pashës. Në xhami mund të hyjë dhe ta viziton çdo njeri pa marë parasysh racën, fenë apo besimin e tyre, përveçse për jomuslimanët për ata ka një kod të veshjes të cilën ua kërkojmë ne dhe ua mundësojmë. Nga një shami për gratë për të mbuluar kokën e tyre dhe trupin e tyre. Edhe burat normalisht nëse janë në kohën e verës, me diçka më të shkurtëra, edhe atyre u kërkojmë që të kenë një kod etik”, tha Abdusamed Zeqiri, Imam në xhaminë “Musatfë Pasha”.

Xhamiaështë një nga monumentet më të vjetra në kryeqytet, e ndërtuar në vitin 1492 nga gjenerali Mustafa Pasha. Por kush ishte ai?

“Ka një histori të bujshme dhe daton prej vitit 1492 e ndërtuar nga ana e gjeneralit të lartë të ushtrisë së kohës otomane, Mustafa Pashës i cili ka qenë në vilajetin e Shkupit si një ushtarak i lartë. Mustafa Pasha është një specifikë se në Shkup ka ndërtuar edhe Akuaduktin, dmth ujësjellësin prej të cilit e ka sjellë edhe ujin deri te xhamia e Mustafë Pashës”, shtoi Imam Zeqiri.

Pranë xhamisë gjendjen edhe varri i vetë Mustafë Pashës dhe vajzës së tij Umihanes, e cila ka ndërruar jetë në moshën 21 vjeçe.