Fenerbahçe dhe Lyon do të përballen sonte në ndeshjen e parë të play-offit të Ligës së Kampionëve, me të dyja skuadrat që janë vetëm një hap larg fazës së ligës.
Përballja e parë do të zhvillohet në Stamboll, në stadiumin “Sukru Saracoglu”, nga ora 21:00, ndërsa fituesi i dy ndeshjeve do të sigurojë një vend në garën elitare evropiane.
Fenerbahçe synon të rikthehet në fazën kryesore të Ligës së Kampionëve për herë të parë pas një kohe të gjatë. Klubi turk ka dështuar nëntë herë në kualifikime që nga paraqitja e tij e gjashtë në vitin 2008.
Skuadra e drejtuar nga Ismail Kartal ka kaluar me sukses Gornik Zabrzen dhe Sturm Grazin në dy raundet e para kualifikuese, por fundjavën e kaluar pësoi një goditje në kampionat, duke humbur 2-1 ndaj Gençlerbirligi.
Në anën tjetër, Lyon e siguroi pjesëmarrjen në play-off pas një rikthimi të fuqishëm ndaj Sparta Pragës. Pas humbjes 2-1 në ndeshjen e parë, francezët triumfuan 3-0 në shtëpi dhe siguruan kalimin tutje.
Lyon, i drejtuar nga Paulo Fonseca, e mbylli sezonin e kaluar në vendin e katërt në ‘Ligue 1’, ndërsa në Europa Ligë arriti deri në fazën e 1/8 së finales.
Dy skuadrat njihen mirë mes vete. Kjo do të jetë përballja e gjashtë mes tyre, ndërsa në sezonin 2024/25 u takuan në Europa Ligë, ku ndeshja përfundoi pa gola.
Fenerbahçe pritet të ketë disa mungesa të rëndësishme. Sofyan Amrabat, Çaglar Soyuncu dhe Romelu Lukaku janë në dyshim ose pritet të mungojnë, ndërsa Jayden Oosterwolde është jashtë për shkak të lëndimit.
Lyon gjithashtu ka probleme me lëndimet, me Khalis Merah, Mads Bidstrup dhe Pavel Sulc që nuk janë në dispozicion.
Ndeshja e kthimit do të vendosë se cila skuadër do të sigurojë një nga shtatë biletat e fundit për fazën e Ligës së Kampionëve.
Formacionet e mundshme:
Fenerbahçe: Cetin; Semedo, Skriniar, Ake, Brown; Guendouzi, Kante; Greenwood, Asensio, Akturkoglu; Talisca
Lyon: Greif; Mata, Niakhate, Kluivert; Maitland-Niles, Morton, Tessmann, Ouedraogo; Abner, Tolisso; Openda.