Gurë të rrënuar, pjesë të betonit dhe mur i shtrembëruar.
Ka një vit që është rrënuar kjo pjesë e murit rrethues në Spitalin Klinik “Nënë Tereza” dhe deri më tani nuk është ndërmarrë asgjë për rregullimin e tij.
Këtu çdo ditë kalojnë qytetarë, në këmbë ose me makina.
Qyteti i Shkupit dhe Komuna Qendrës nuk kanë ndërmarrë asgjë, sepse thonë se nuk është kompetencë e tyre.
“Rruga e Beogradit” është një rrugë nën juridiksionin dhe pronësinë e Komunës Qendër dhe muri mbajtës që është ndërtuar për të shërbyer si gardh i Qendrës Klinike është brenda juridiksionit të Ministrisë së Shëndetësisë, d.m.th. ndërtimi/rikonstruksioni i tij, në përputhje me ligjet dhe aktet nënligjore, mund të kryhet vetëm nga Ministria ose organi i autorizuar i saj”, thanë nga Qyteti i Shkupit.
Nga Ministria e Shëndetësisë thonë se kanë porositur një projekt për murin mbajtës.
“Do të ndërtohet një mur i ri mbajtës, i tërhequr për 1.5 metra në drejtim të Qendrës Klinike, me qëllim të zgjerimit të rrugës Beogradska. Sipas konkluzioneve të Qeverisë, Ministria e Shëndetësisë është e obliguar për ndërtimin e murit, ndërsa institucionet tjera kompetente duhet ta zgjidhin pjesën infrastrukturore dhe atë të trafikut të rrugës”, deklaruan nga Ministria e Shëndetësisë.
Nga ministria po ashtu bënë të ditur se që nga sot ka filluar procedura për largimin e mbetjeve nga muri i shembur.