Pacienti 60 vjeçar, i cili iu nënshtrua transplantit të parë të mëlçisë, pas 17 ditëve u lëshua nga spitali. Është në gjendje të mirë shëndetësore dhe me mundësi të re për jetë, thonë mjekët që e realizuan transplatin nga një donator i vdekur. Ministri i Shëndetësisë Bekim Sali falënderoi stafin mjekësor, por edhe familjen e donatorit, të cilët shpëtuan jetë.
Edhe 15 pacientë të tjerë kanë nevojë për transplantim të mëlçisë. Koordinatorja nacionale për transplant të organeve Dr. Maja Mojsova-Mijovsk pret që historia e sotme e suksesit ta rrisë besimin e pacientëve në sistemin shëndetësor, në suksesin e këtij lloj operacioni, por edhe ndërgjegjësimin për dhurimin e organeve. Ajo shpjegoi se nuk është e lehtë për një pacient të jetë në listën e pritjes së organeve.
“Në thelb ka pacientë në listë, por, e dini, duhet të ketë edhe pëlqim, nëse duan të transplantohen. Sigurisht, nuk mund të minimizojmë guximin e një pacienti që për herë të parë do të shtrihet në karrigen e operacionit dhe të i nënshtrohet për herë të parë transplantimin e mëlçisë. Kjo histori suksesi do të lërë besim në sistem dhe besim te ekipet se transplantime të tilla do të jenë të suksesshme.”- deklaroi Maja Mojsova – Koordinatore e Transplantit.
Përndryshe ky ishte transplanti i gjashtë që bëhet nga një donator i vdekur që nga fillimi i vitit dhe i pari transplant i mëlçisë. Që nga fillimi i vitit 2022, 10 veshka janë transplantuar nga një dhurues i vdekur, dy zemra te pacientët me gjendje të rëndë dhe 10 implante të indit kockor.