Pas njoftimit se Prokuroria Publike Themelore për Ndjekjen e Krimit të Organizuar dhe Korrupsionit ka nisur hetimin kundër një funksionari të Qeverisë dhe dy shtetasve kroatë, i cili raportohet se është Muhamed Zeqiri, sekretar gjeneral, mediat janë paraqitur para gjykatës.
Pritet që Zeqiri të paraqitet në gjykatë që të dalë para gjykatësit të procedurës paraprake që t’i shqiptohet paraburgimi, raporton TV21.
Paraburgimi u kërkua nga PPTh NKO për shkak të rrezikut se i njëjti dhe dy të dyshuarit tjetër mund të arratisen dhe mund të ndikojnë në hetim duke shkatërruar dëshmitë.
Gjatë periudhës prej muajit prill 2021 deri në muajin janar 2022, duke shfrytëzuar pozitën e tij, i dyshuari i parë – Muhamed Zeqiri pa realizuar procedurë përkatëse për prokurim publik, ka arritur marrëveshje me shërbime konsulente me kompani ku qëllimshëm iu ka ndihmuar shtetasve kroatë. Me veprimet e ndërmarra, të dyshuarit për kompaninë kanë siguruar pasuri pronësore të kundërligjshme në vlerë prej 57.932.100,00 denarë, në dëm të Buxhetit të RMV-së. Vlerë që ishte më e madhe se 795.000 euro nga vlera e dakorduar për kryerjen e shërbimeve konsulente./TV21