Ministri austriak i Punëve të Brendshme Karl Nehamer sot konfirmoi se sulmuesi i cili mbrëmë e ka kryer sulmin terrorist në qendër të Vjenës është nga Republika e Maqedonisë së Veriut.
Nehamer tha se sulmuesi, i cili ishte vrarë nga policia, ka pasur 20 vjet, dhe ka qenë nga Maqedonia e Veriut dhe i dënuar për terrorizëm.
Ai për agjencinë APA deklaroi se terroristi ka pasur shtetësi austriake dhe maqedonase.
Kryeredaktori i revistës “Falter”, Florijan Klenk paraprakisht publikoi se sulmuesi është shqiptar nga Maqedonia e Veriut, i lindur dhe rritur në Vjenë.
“Ai ka qenë i pajisur me rrip të remë për bomba, pistoletë automatike, armë me të cilën e ka kryer sulmin makabër mbi njerëzit e pafajshëm”, theksoi Nehamer.
Ai tha se janë kryer bastisje në rrethinën e sulmuesit, më saktë është kryer bastisje në 15 banesa dhe se janë arrestuar disa persona.