Motori legjendar 1.9 TDI të grupit “Volkswagen” u prodhua deri në vitin 2009, dhe fitoi reputacion si motor i pathyeshëm.
U vendos në shumë modele të grupit Volkswagen: Audi A3, Seat Leon, Škoda Octavia, Volkswagen Golf dhe 16 modele të tjera, ky motor me naftë njihet për qëndrueshmërinë, konsumin e ulët dhe performancën e mirë.
Variantet e tij të ndryshme, fuqia nga 75 deri në 160 kf (PS) , u përshtatën me nevojat e një game të gjerë automjetesh.
Motori legjendar, po bëhet pjesë kyçe e industrisë ushtarake.
Ky motor tani po përdoret në tankun gjerman, Wiesel 2.
Wiesel 2, prodhuar nga “Rheinmetall”, ka gjetur aleat ideal në 1.9 TDI.
Në veçanti, përdoret një version me 110 kf dhe 235 Nm, çift rrotullues, i lidhur me një ndërrues të shpejtësive me katër shpejtësi.
Edhe pse shpejtësia maksimale është rreth 80 km/h dhe konsumon deri në 40 litra për 100 km në terrene të vështira, besueshmëria dhe qëndrueshmëria e këtij motori e bëjnë atë ideal për kërkesat e fushëbetejës.