Moti sot do të jetë kryesisht me vranësira dhe me reshje të kohëpaskohshme të shiut, të cilat do të jenë më të mëdha në pjesët perëndimore, ku lokalisht pritet të reshin mbi 25 litra në një metër katror. Do të fryjë erë e lehtë deri mesatare nga drejtimi juglindor, theksohet në kumtesën e Drejtorisë për Punë Hidrometeorologjike.
Temperatura minimale do të jetë në interval prej 7 deri 12 gradë, ndërsa ajo maksimale prej 11 deri 15 gradë Celsius.
Në Shkup, kryesisht me vranësira dhe me reshje të kohëpaskohshme, herë pas here më të mëdha. Do të fryjë erë e lehtë deri mesatare nga drejtimi juglindor. Temperatura minimale do të ulet deri 12, ndërsa ajo maksimale do të arrijë deri 14 gradë.
Sipas parashikimit të DPHM-së, të shtunën moti do të jetë i ndryshueshëm me vranësira dhe reshje lokale me intensitet të dobët. Pastaj vijon mot kryesisht i qëndrueshëm me temperatura nën mesataren për këtë periudhë të vitit.