Maqedonia e Veriut dhe Bullgaria duhet të vazhdojnë bisedimet për të gjetur zgjidhje, që Shkupi të mund të nisë negociatat me Bashkimin Evropian, thotë zëvendëskryeministri për çështje evropiane Nikolla Dimitrov. “Ose do të jemi të gjithë humbës, ose të gjithë fitimtarë”, shprehet ai.
“Kuptohet ne kemi shumë çfarë të humbim nëse sërish nuk ka fillim bisedimesh dhe sukses. Megjithatë mendoj se edhe Bullgaria ka shumë për të humbur, sepse po e humbasim mundësinë, të cilën duhet ta kthejmë, për të pasur një partneritet dhe bashkëpunim real të ngushtë. Kjo nuk shkon dhe nuk është në përputhje me bllokimin e procesit me politikën e vetos. BE gjithashtu do të humbasë shumë. Do të jetë shumë e vështirë fjalët e BE-së të trajtohen me besim dhe seriozitet, jo vetëm në vendin tonë, në të gjithë rajonin”, deklaroi Dimitrovi.
Dimitrov po ashtu shprehet se nuk duhet ngritur duart lart, ndërsa mendon se në kryesimin aktual portugez me BE-në ka përkushtim që të bëhet gjithçka që mundet.
Nga ana tjetër, zëvendësministri për punë të jashtme i Sllovakisë, Martin Klus, thotë se ndarja e pakos Maqedoni-Shqipëri është e papranueshme për vendin atij, sepse si Shkupi po ashtu edhe Tirana bashkërisht duhet të nisin bisedimet.
“Është më lehtë për të dyja shtete dhe është më e lehtë për ne, sepse lehtësisht mund të shkëmbejmë përvoja, përfshirë ato që kemi në Sllovaki, që kuptohet nuk janë vetëm pozitive dhe definitivisht jam i sigurt se nëse të dyja vendet do të nisin bashkë procesin e bisedimeve, Shqipërinë dhe Maqedoninë e Veriut së shpejti t’i sjellim në Bashkimin Evropian. Ky është synimi ynë strategjik në Sllovaki”, deklaroi zëvendësministri i Punëve të Jashtme i Sllovakisë, Martin Klus.
Duke folur për të ashtuquajturin “non-paper slloven”, Klus tha se kjo është ide e rrezikshme dhe se “fantazmat historike për çështje si ndryshim kufijsh duhet të qëndrojnë jashtë tavolinës”.
Për kontestin me Bullgarinë, sot ka folur edhe ministrja e Mbrojtjes, RadmillaShekerinska, e cila nuk pret kthesë në marrëdhëniet Shkup-Sofje, nëse tek pala bullgare nuk gjejnë partnerë. “Ka një pjesë të detyrimeve që nuk varen nga ne. Ne nuk mundemi ta zgjedhim qeverinë bullgare dhe nuk mund ta krijojmë negociatorin e palës tjetër. Ajo që mund të ndikojmë është gabim ta parashikojmë” është shprehu ajo, duke përfunduar se deri në qershor, duhet përkujtuar të gjithë se Maqedonia e Veriut I ka përmbushur detyrimet e saj dhe se pret të njëjtin përkushtim dhe qëndrueshmëri nga ana e Bashkimit Evropian.