Shkupi është në listën e qyteteve ndër më ta ndoturit në botë. Krah për krah renditet me qytetet me të Indisë, Pakistanit, Indonezisë dhe Kinës. Sipas kryeartit të Qytetit të Shkupit Petre Shilegov, për ndotjen “fajtore” është mjegulla. Ai shton se lëvizja e ajrit zvogëlohet nga mjegulla, prandaj grimcat PM10 janë mbi nivelin e lejuar.
“Sot kemi një ditë të keqe me mjegull, dhe unë do t’ju kërkoja korrektësi kur përcaktoni cilësinë e ajrit, ju nuk bëni një vlerësim, kjo do të thotë se ju nuk e shihni indeksin e cilësisë, por duhet të shihen grimcat PM 10. Siç mund ta shihni sot është një ditë e mjegullt dhe lëvizja e ajrit, gjegjësisht mungon lëvizja natyrale e ajrit”, deklaroi Shilegov.
Nga të dhënat e përgjithshme që ka ministria e mjedisit, mund të thuhet se ndër vite ka një rënie graduale të ndotjes, megjithatë duhen përpjekje edhe të mëtejshme, sepse çdo hap që ndërmerret e përmirëson gjendjen, thotë Ministri për Mjedis Jetësor, Naser Nuredini.
“Kjo është edhe arsyeja se pse kemi propozuar ndryshime ligjore që kanë të bëjnë me mjedisin dhe cilësinë e ajrit. Propozojmë që Komunat dhe Qytetet të kenë plane për të ndërmarrë aksione ndaj ndotjes së ajrit dhe nëse ata nuk e bëjnë këtë, Qeveria, përmes ligjit, do të ketë të drejtë për të ndërhyrë dhe marrë masa, ndoshta për të ndryshuar trafikun, ndoshta oraret e punës, madje edhe për të bashkëpunuar me industritë për ta zvogëluar orarin e punës”, tha Nuredini.
Nga matjet që Ministria e Mjedisit bën në vazhdimësi, rezulton se mënyra e ngrohjes së shtëpive, por edhe institucioneve, me dru e mazut, është ndotësja më e madhe i ajrit. Ndotësi i dytë më i madh janë makinat, ndërsa industria zë vendin e tretë.