Një ministër në Qeverinë e Madagaskarit, ka treguar se ka notuar për 12 orë për të shpëtuar, pasi helikopteri me të cilin po fluturonte për në një mision shpëtimi ishte rrëzuar në det, raporton BBC.
“Nuk është koha ime të vdes”, ka thënë ministri i Policisë, Serge Gelle.
Dy zyrtarë tjerë të sigurisë që ishin në helikopter, po ashtu i mbijetuan rrëzimit të helikopterit.
Ekipi po kërkonte në zonën në pjesën juglindore të vendit ku u fundos një varkë me pasagjerë.
Së paku 39 persona vdiqën në aksident, është njoftuar nga zyrtarët.