Për përcaktimin e strategjisë për vaksinim të popullatës për koronavirusin, kryeministri grek Kirjakos Micotakis sot mbajti mbledhje me ministrat kompetent, zëvendësit dhe sekretarët e përgjithshëm dhe theksoi se Greqia do të marrë mbi 25 milion doza nga vaksina për Kovid-19, në bazë të marrëveshjes në nivel evropian, ndërsa pritjet janë se dërgesa e parë do të arrijë në fillim të vitit 2021, lajmëroi korrespondentja e MIA-s nga Athina.
“Qëndroj në atë të ketë qasje të lirë deri te vaksina për të gjithë greket dhe grekët, sepse kjo Qeveri që nga fillimi, vaksinën e ka trajtuar si e mirë publike. Për atë do të jetë falas dhe e arritshme për të gjithë, pa kurrfarë përjashtimi. Ky është obligimi ynë por në të njëjtën kohë, në këtë mënyrë, tregohet përkushtimi ynë për mbrojtjen e shëndetit publik”, theksoi Micotakis.
Kryeministri grek, megjithatë porositi se duhet të respektohen masat, sepse në këtë moment, vaksina nuk është zgjidhje e arritshme dhe do të jetë gabim i madh nëse nuk merret.
“Tani kur e dimë se ka dritë në fund të tunelit, tani kur jemi pothuajse të sigurt se në gjysmën e parë të vitit 2021, do të kemi arritur shkallë të mjaftueshme të vaksinës që ta lëmë pas nesh këtë krizë, pikërisht ky informacion duhet të na bëjë më të fuqishëm dhe më shumë të përkushtuar në respektimin e masave për mbrojtje”, porositi kryeministri grek gjatë mbledhjes.