LSDM do të kthehet në rrugën fituese, paralajmëroi kryetari i rizgjedhur i partisë, Venko Filipçe. Në zgjedhjet brenda partiake ai ishte kandidat i vetëm dhe fitoi mbështetjen e 18 mijë anëtarëve, ndërsa në deklaratën e parë tha se LSDM është e konsoliduar dhe e pret luftë e vështirë.
“Kjo është të luftojmë kundër kësaj Qeverie të VMRO-DPMNE-së, ZNAM-it dhe VLEN-it që në 10 muajt e kaluar tregoi se nuk di, nuk ka dituri që të përballet me problemet. Gjithçka që thanë kanë gënjyer, nuk përmbushën asnjë premtim. Shteti deri më tani nuk ka pasur Qeveri më të paaftë”, tha Filipçe.
Edhe përkundër kritikave, Filipçe mori urim nga kryeministri Mickoski.
“Duke pasur parasysh se kjo është foltore e Qeverisë, do ta shfrytëzoja këtë rast që t’ia uroj rizgjedhjen zotit Filipçe dhe t’i uroj punë të suksesshme si kryetar i LSDM-së”, deklaroi Mickoski.
Por kritika u dërguan nga foltorja partiake e VMRO-DPMNE-së, prej ku theksuan se Filipçe është vendosur për të mbrojtur interesat e Zoran Zaev-it.
“Filipçe nuk ka kredibilietet në LSD. Vetëm 18 mijë persona vlerësojnë se Venko duhet ta udhëheqë LSD-në, i njëjti Venko i cili nuk u përgjigj për spitalin modular, për furnizimin e kovid vaksinave nga kompania fantom”, tha Manasievski.
Përndryshe Filipçe dhe Mickoski u takuan javën e kaluar. Opozitari e vlerësoi takimin si të mirë dhe konstruktiv, ndërsa që të dy dakorduan grupe pune për Ligjet për gjyqësorin dhe energjetikën.