Kryeministri Hristijan Mickoski këtë fundjavë do të shkojë në Beograd. Tani për tani nuk ka takim të paralajmëruar me presidentin serb Aleksandar Vuçiq. Arsyeja për udhëtimin është Panairi i verës në suaza të nismës “Open Ballkan” për të cilën ekzistonin dilema nëse do të jemi pjesëmarrës. Mickoski thotë se në Serbi është ftuar nga ana e bodrumeve të verës.
Mickoski paraprakisht për “Open Ballkan” tha se është nismë jo e plotë, ka shumë mangësi dhe për pjesëmarrjen tonë atje duhet të bisedohet me partnerët tanë strategjik. Megjithatë, pushteti vazhdon të mbështesë projektet nga “Open Ballkan”. Në ueb faqen e organizatorit thuhet se Panairi organizohet nën ombrellën e qeverive të tre vendeve që marrin pjesë, Maqedonia, Shqipëria dhe Serbia, ndërsa nga ana tjetër përfaqësuesit e pushtetit nga koalicioni VLEN paraprakisht si opozitë bënin thirrje që të largohemi nga kjo nismë për shkak të ndikimit serb.
Paraprakisht, kryeministri shqiptarë Edi Rama, theksoi se nisma mund të shuhet, por shpjegoi se kjo nuk mund të ndodh nga njëra palë.