Mickoski: Pagat duhet të rriten! Opozita kritikon, Qeveria i mashtroi qytetarët për rritjen e pagave

Kryeministri Mickoski njoftoi se pagat duhet të rriten, por edhe të kenë vlerë, pra që çdo muaj qytetarët të kenë mundësi të blejnë më shumë. Ai e tha këtë pasi këto ditë opozita LSDM akuzoi se qeveria i kishte mashtruar punëtorët duke mos përmbushur premtimin parazgjedhor për rritjen e pagave, si dhe kërkesat e sindikatës për rritjen e pagës minimale.

“Së pari, të gjithë duhet të dimë se pagat duhet të rriten dhe të kenë vlerë, pra, për të qenë më i saktë, ne do të bëjmë gjithçka si qeveri që pagat të rriten dhe të kenë vlerë, që të mos ketë inflacion. Ajo që mund të blini me pagën tuaj këtë vit, të mund të blini më shumë vitin e ardhshëm në të njëjtin muaj. Kjo është qëllimi ynë. Nga ana tjetër, ajo që bën LSDM është një përpjekje për të manipuluar”, tha kryeministri i vendit, Hristijan Mickoski.

Ish-ministrja e Punës dhe Politikës Sociale, JovanaTrençevska, në një intervistë për Sitel tha se VMRO-DPMNE nuk e ka përmbushur premtimin parazgjedhor dhe ka mashtruar punëtorët duke mos rritur pagat, as duke rritur pagën minimale.

“Punëtorët u mashtruan se do të rrisnin pagën minimale, se do të kishte rritje të pagave. As për administratën, as për arsimin, as për shëndetësinë nuk kishte rritje pagash në ribalancimin e buxhetit. Gjatë gjithë fushatës flisnin se do të ulnin pagat e funksionarëve dhe ne ishim kritikuar gjatë qeverisjes së LSDM-së, se ata, nëse do të ishin në pushtet, do t’i ulnin pagat e funksionarëve. Tani që janë në pushtet, thonë se nuk do t’i ulin, dhe ministrja thotë se do të largohem nga qeveria nëse ulen pagat e funksionarëve, sepse në sektorin privat marr më shumë”, deklaroi Jovana Trençeska nga LSDM.

Kryetari i sindikatës, SlobodanTrendafilov, këto ditë i bëri thirrje qeverisë që të përmbushë premtimin e saj që brenda 100 ditëve të para të pushtetit të ulet me LSM për të diskutuar për rritjen e pagës minimale.