Micherre Fox gjen diamantin e jetës dhe e shndërron në unazën e fejesës

Një grua nga New Yorku realizoi ëndrrën e saj duke gjetur vetë diamantit për unazën e fejesës. Micherre Fox, 31 vjeç, udhëtoi drejt Parkut Shtetëror të Kraterit të Diamanteve në Arkansas, ku pas shumë ditësh kërkimi gjeti një diamant të bardhë 2.3 karatësh.

Fox tregoi se vendosi që dy vjet më parë se do të gjente vetë gurin për unazën e saj dhe partneri i saj e mbështeti plotësisht këtë ide, duke pritur derisa ajo të gjente diamantin e duhur.

“Isha e vendosur të shkoja kudo për ta bërë këtë realitet,” tha ajo. “Pas kërkimeve zbulova se vendi i duhur për këtë ndodhej më afër se ç’mendoja – në Arkansas.”

Ajo filloi një udhëtim tre-javor në park më 8 korrik, duke kaluar orë të tëra çdo ditë duke kërkuar diamantët e mundshëm. Vetëm më 29 korrik, në ditën e fundit të vizitës, ajo vuri re diçka që shkëlqente pranë West Drain. Fillimisht mendoi se ishte thjesht reflektimi i diellit, por kur e preku me çizmen e saj, kuptoi se ishte një gur i fortë.

Pas verifikimit në Qendrën e Zbulimit të Diamanteve, stafi konfirmoi se Fox kishte gjetur një diamant të bardhë 2.3 karatësh, i njohur si diamant pa ngjyrë. Tani, ajo planifikon ta vendosë gurin në unazën e fejesës dhe e ka quajtur diamantin e saj të veçantë “Diamanti Fox-Ballou”.