Mi i ngrirë në pakon me perime! Produkti tërhiqet nga raftet e shitoreve

Në vend se të hanë darkë të shëndetshme me brokoli, lulelakër dhe karotë, ata në pakon me perime gjetën mi të ngrirë. Familja Çulakovski nga Manastiri është tronditur pasi është hera e parë të gjejnë një gjë të tillë në ushqim. Vetëm Ivani kishte provuar nga perimet pasi që fillimisht nuk e ka vërejtur miun. Fatmirësisht fëmijët nuk kanë konsumuar nga ushqimi.

 “E derdhëm sasinë me perime nga qesja në një tenxhere dhe kemi zi, dhe nuk e pamë miun. Kur e transferuam përzierjen në një pjatë për të ngrënë nuk e kishim vërejtur akoma, dhe fillova të konsumoja brokoli. Pastaj më vonë e pamë miun. Ishte e gërditshme. Përderisa ziheshte e provova nga tenxherja fatmirësisht këtë nuk e panë fëmijët do të kishin trauma”, tha Ivan Çuklakovski – qytetar.

Agjencia e ushqimit sot ka tërhequr produktin nga të gjitha shitoret e vendit. Drejtori i Agjencisë së Ushqimit dhe Veterinarisë, Nikolle Babovski, theksoi se do të kryejnë inspektime të jashtëzakonshme, gjegjësisht do të dërgohen monstra të këtij produkti në labaratorë për të parë cilësinë e tij.

 “Për shkak të dyshimit për kontaminim fizik, prani e një trupi të huaj – miut në përzierje perimesh të ngrira “Sani fantasy – Royal mix” me origjinë nga Republika e Serbisë, e importuar nga KAM DOOEL, Agjencia e ushqimit dhe veterinarisë lëshoi urdhër për ndalesë të shitjes së këtij produkti dhe tërheqjen e produktit nga raftet e këtij marketi. Është lëshuar urdhër për operatorin e ushqimit të bëj kontroll të këtij produkti ku është i plasuar në të gjithë territorin e vendit”, thonë nga Agjencia e Ushqimit dhe Veterinarisë.

Agjencia e Ushqimit dhe Veterinarisë u bën thirrje konsumatorëve në qoftë se kanë blerë një produkt të tillë, ta shohin pakon para se ta konsumojnë dhe nëse gjejnë ndonjë gjësend ta kthejnë produktin në vendin ku e kanë blerë dhe ta lajmërojnë rastin në agjencinë e ushqimit.