Avokatët e Hashim Thaçit, Kadri Veselit, Jakup Krasniqit dhe Rexhep Selimit kanë paralajmëruar apel ndaj aktgjykimeve të Dhomave të Specializuara në Hagë.
Avokati i Thaçit, Pierre-Richard Prosper, e cilësoi vendimin si “tallje me drejtësinë” dhe tha se mbrojtja do të kërkojë rrëzimin e tij në apel.
Edhe avokati i Veselit, Rodney Dixon, tha se janë të zhgënjyer, duke këmbëngulur se nuk ka prova për përfshirjen e tij në krimet për të cilat u shpall fajtor.
Mbrojtja e Rexhep Selimit e cilësoi vendimin si zhgënjyes, duke theksuar se bëhet fjalë për një aktgjykim të shkallës së parë.
Ndërsa avokatja e Jakup Krasniqit konfirmoi se edhe për të do të bëhet apel, me synim lirimin e tij.