Mbrëmë u zgjodh qeveria e re, mbahet seanca e parë qeveritare me ministrat e ri

Ministrat e Aleancës për Shqiptarët sot e kanë ditën e parë  të punës së tyre në kabinetin qeveritar.  Qeveria ka thirrur seancën e radhës, por tashme me 4 ministra të rinj, pasi që mbrëmë Kuvendi mbrëmë me 65 vota pro, asnjë kundër dhe as të përmbajtur votoi përbërjen e re qeveritare.

Problem gjatë votimit pati kryetari i PDSH-sw Menduh Thaçi kur kryeparlamentari Talat Xhaferi e hodhi në votim emrin e Krenar Llogës si ministër i Drejtësisë.

Votat për Llogën shkuan vetëm 64, për shkak se nuk e kishte votën e Thaçit.

Menduh Thaçi ke kartelë aty ose jo. Ngadalë njerëz! Ngadalë.

Ka kartelë, po nuk e tregon sistemi. Ka të drejtë të deklarohet dhe të reagojë derisa nuk e kam konstatuar.  Menduh Thaçi deklaron “për”.

E pasi që u krye procedura e votimit, në fund mori fjalën kryeministri Dimitar Kovaçeski. Shtoi se kjo përbërje e re nuk asnjë lloj interesi të fshehtë, ndërsa shtoi se ministrat e zgjedhur janë kuadër cilësor.

 “Rikonstruimi nuk është i motivuar nga emra e mbiemra, nga interesa të ngushta partiake të asnjë partie në Qeveri e as nga motive personale politike. Rikonstruimi i Qeverisë është vetëm për përforcimin e pozicioneve të Maqedonisë së Veriut në plan ndërkombëtar, zhvillim të raporteve tona me fqinjët tanë e në të njejtën kohë edhe mbrojtjen e interesave tona shtetërore”, tha Dimitar Kovaçevski, kryeministër.

Ministrat e ASh-së në Qeveri do të jenë, Krenar Loga në Drejtësi, Fatmir Mexhiti në Shëndetësi, Azir Aliu në Shoqëri Informatike dhe Administratë, dhe Kaja Shukova nga LSDM do të udhëheqë me ministrinë për Mjedis dhe Planifikim Hapësinor.