Mbi 15 qen të lidhur në oborr!  Banorët e “Rrugës së vllahëve” në Kërçovë, në hall me fqinjën! 

Një situatë e pazakontë në lagjen “Rruga e Vllahëve” në Kërçovë.

Një familje mban në oborr rreth 15 qen, të lidhur me zinxhirë, ndërsa kanë edhe nga një shtëpizë.

Kjo është zhurma me të cilën shoqërohen çdo ditë banorët e lagjes.

Përveç këtyre qenve, siç pohojnë banorët, kjo familje ushqen edhe qentë endacakë. Kjo ka bërë që banorët të mos mund të jetojnë të qetë.

Fëmijët dërgohen në shkollë me vetura, ndërsa vështirë është te gjesh banor që nuk është kafuar të paktën një herë nga ndonjë qen.

“Ne nuk jemi kundër, kjo le t’i mbajë jo 17 për 170, por le të gjej një vend ideal për t’i mbajtur ndërsa edhe ne ushqimet që do na mbesin do t’ia japim asaj vetëm le t’i largojë nga këtu sepse kemi shumë probleme. Nuk jemi kundër qenve por kundër këtyre që i mbajnë sepse po na sulmojnë me shkop o ecim edhe un; edhe ky edhe tjetri”, tha një banor.

“Qeni më ka kafshuar 2 ose 3 herë. Kush është ajo që të mbaj qen këtu”, theksoi një banor.

“Të gjithë janë të rrezikuar këtu por unë jam më i rrezikuar, i rrezikuar nga zhurma nga të lehurat 17, 18 i ka në oborr edhe në shtëpi brenda ruan qen vjen era, nga papastërti kemi rrezik edhe unë edhe fëmijët edhe familja ime, jemi të rrezikuar drejtpërdrejtë. Nuk ka vend ku nuk kemi shkuar”, shpjegon një banor.

“Në cilin shekull jetojmë ne, të mos mund të hysh në shtëpi si njeri, të ruhesh me shkopinj të shëtitës?!”, deklaroi një banor.

“I ushqejnë qentë ku arrijnë edhe para shtëpive tona. Unë i them pse i ushqen qentë ajo më bërtet dhe thirri policinë edhe në gjykatë ka ngritur procedurë për asgjë pse i kam thënë mos i ushqe qentë në oborrin tim”, tha një banor.

“Unë rrijë këtu më poshtë, fëmijët më punojnë tek fabrika KSS shkojnë me ndërrime e para e dyta janë femra dhe unë jam i detyruar të zgjohem në mëngjes t’i përcjellë ose t’i pres nga puna i kam thënë Igor të lutem mos i ushqe para shtëpisë time”, pohoi një banor

Ekipi ynë u mundua të bisedojë me zonjën që po mban qentë. Në fillim ngurroi, por më pas pranoi të flasë, por jo para kamerës! Në një bisedë të shkurtër na tha se është e dashuruar pas qenve dhe gjithë pension e jep për ta.

Gazetarja: A nuk keni ndonjë vend tjetër ku t’i mbani?

-Por këta janë qen rruge!, thotë zonja që I ruan qentë.

Gazetarja: Jo ata këta tuajt?

-Kam leje unë për këta, ata prej para 5 vitesh e bëjnë këtë ja ky komshiu. 

-Sa qen ke?

-Dhjetëra qen kam, edhe një invalid e kanë hedhur atje, e morra.

-Me çka i ushqen?

-E jap gjithë pension, e jap.

Pas një bisede të gjatë zonja е pranoi që po kërkojnë një vend adekuat për t’i mbajtur dhe se do të mundohen të gjejnë zgjidhje.

Nga organizata për mbrojtjen e kafshëve të cilat i kontaktuam, na thanë se zonja ka të drejtë të mbaj qen, por jo të lidhur me zinxhirë dhe jo në ato kushte siç po i mban, sepse shkel ligjin për të drejtat e kafshëve.

Banorët rastin e kanë denoncuar edhe tek Avokati i Popullit, e këta të fundit rastin e kanë proceduar deri në MPB dhe gjykatë.