Mbeturinat me traktor u hidhen para banesës! Ceka, problemi do të zgjidhet me zëvendësimin e koshit

Banorët e dy kullave në lagjen Mirçe Acev në qytetin e Tetovës janë në hall nga papastërtia para banesës së tyre. Ata ankohen se banorë nga lagje dhe fshatra të tjerë vijnë dhe me vetura hedhin mbeturina  para banesës ku edhe gjendet një kosh plehrash 5 tonësh. Sipas banorëve komuna do të duhet të gjejë një zgjidhje por deri tani nuk ka asgjë konkrete. Në momentin që Ndërmarrja publike merr të njëjtin për ta pastruar aty gjejnë edhe mobilje e tepihë por edhe materiale ndërtimore. Thonë se ky nuk është problem i vetëm pasi që gjatë të reshurave uji që del nga kanalizimi dhe  grumbullohet para hyrjes së banesës i shqetëson së tepërmi ata.

Banor i ndërtesës: “Problemi me koshin e mbeturinave  është se  këtë e kanë sjell për ndërtesën tonë  ndërsa këtu sjellin mbeturina nga të munden, sjellin nga Poroj, Drenoveci, Cetiska, Mirçe Acev , nga lagja tek kazerma  nga të munden vijë dhe i sjellin këtu. Hidhet poshtë se ndonjëherë vonohet dhe në atë kohë hidhen kauçë , orendi  shtëpia dhe e mbushin pastaj s’kanë ku të hedhin dhe hedhin poshtë. Shto rrënje të shiut kanalizimi na përmbytë  para ndërtesës çdo herë.”

Banor i ndërtesës: “Mund të them se kjo fotografi është një ndër më të mirat është një diçka e tmerrshme e gjithë qyteti hedh mbeturina këtu, nga fshatrat nga gjithkund, për mua e para është se NPK-ja nëse ka bërë ndonjë llogari se kush mund të hedhë këtu, ndërtesa   apo kush këtu hidhet me traktorë, me kombe  dhe këtu sa të  mundohesh të pastrosh ky vend përsëri i pa pastër është . uji që vjen nga pjesa e lart  e qytetin dhe këtu kanalizim atmosferik nuk ka  dhe këtu përmbytet, e para e dyta ajo pjesa aty ku është ulësja  aty kalon gypi kryesor  e gërmojnë e rregullojnë në mënyrë jo profesionale dhe pas dy javësh përsëri do kesh  atë aty   të gjithën me ujë.”

Nga ndërmarrja publike komunale thonë se ata kanë lënë një takim me banorët dhe së bashku do të mundohen të gjejnë një zgjidhje për mbeturinat, ndërsa sa i përket kanalizimit me kalimin e gjendjes së jashtëzakonshme do të mund të gjejnë një zgjidhje, pasi që sipas drejtorit Xhelal Cekës kanali në këtë pjesë bën një parcelë që është pa titullar.

“Ne kemi kërkuar që ata të gjejnë një lokacion tjetër  dhe të dërgojmë kosh plehrash një tonësh  afër banesës dhe ta shfrytëzojnë qytetarët që jetojnë në banesë , për shkak se në pjesët tjera të qytetit merren mbeturinat shpi më shpi,” tha Xhelal Ceka- Drejtor i NPK- Tetova.

Një problem i njëjtë është edhe në varrezat ortodokse , si dhe në disa pjesë periferike të qytetit , ku qytetarë të shumtë hedhin mbeturina ndërtimore si dhe orendi shtëpie.  Por kjo situatë vjen si pasojë e mos pasjes së një deponie për materialet e forta, e cila disa herë është premtuar por edhe sot e kësaj dite nuk është duke u zgjedhur.