Për secilin kapitull, çdo shtet mund të bëjë komente për reformat dhe progresin, tha kryeministri Dimitar Kovaçevski, duke shtuar se kushdo mund të na bllokojë në negociata sepse Vardari është lumi më i ndotur në EUropë, por jo Bullgaria sepse korniza negociuese është vendimtare dhe Maqedonia është lider në zbatimin dhe respektimin e pakicave.
“Se lumi Vardar është lumi më i ndotur në Europë. Mbrojtja e mjedisit është gjithashtu një nga kriteret për anëtarësim në BE. Tani jeni në Berlin, bëni një shëtitje përgjatë lumit Spree, do të shihni sa i pastër është lumi dhe do të shihni sa i ndotur është Vardari ynë”, tha Kovaçevski.
Mbështetje nga Gjermania për ndryshimet kushtetuese në mënyrë që procesi drejt BE-së të mos ndalet. Kështu i ka përcolli kancelari gjerman Olaf Scholz kryeministrit Dimitar Kovaçevski. Në një deklaratë për mediat në Berlin, ai tha se procesi nuk duhet të përdoret për pikë politike dhe ka besim se Bullgaria nuk do t’i vendosë bllokada të reja procesit. Lidhur me ndryshimet kushtetuese, në pyetjen e TV21, kryeministri tha se është një proces që nuk duhet të nxitohet, ndërsa për opozitën dhe kreun e VMRO-DPMNE-së tha se kanë ndryshuar qëndrim pasi kanë qenë në Bruksel.
“E mbani mend kur diskutohej propozimi, luheshin surle, u bihej tavolina, nënshkruheshin deklarata noteriale, vishnin bluza, i vihej flaka marrëveshjes në foltoren e Kuvendit, që në fund të 7 qershorit të këtij viti të gjitha të hidhen në ujë dhe VMRO-DPMEN-ja të thotë “po” pranohen, donin të hyjnë në Qeveri, legjitimitetin e së cilës e kanë kontestuar, se janë të gatshëm të votojnë në parlament amendamentet kushtetuese, legjitimitetin e të cilëve e kontestuan, kërkuan vetëm hyrjen në fuqi të ndryshimeve kushtetuese me prapaveprim dhe kjo u pranua, por mund të pranohet brenda kornizës së negociatave që është shumë vendimtare. Dhe kjo është që ndryshimet kushtetuese të vlejnë në ditën e mbajtjes së konferencës së dytë ndërqeveritare, që sigurisht është e pranueshme për BE-në 27”, shtoi Kovaçevski.
Kryeministri, duke aluduar për kreun e VMRO-DPMNE-së, shtoi se vendi ka nevojë për politikanë që ofrojnë zgjidhje, e jo për politikanë që i gjejnë mangësi në çdo gjë që dëgjojnë. Në fokus të vizitës së kryeministrit është shënimi i 30-vjetorit të marrëdhënieve dhe bashkëpunimit ndërmjet Maqedonisë dhe Gjermanisë, si dhe përkrahja gjermane për integrimin e vendit, veçanërisht reformat që duhet t’i bëjmë, për të përmbushur standardet europiane. Vizita e kryeministrit në Gjermani vjen dy javë pasi Bundestagu gjerman miratoi rezolutën për njohjen e gjuhës, kulturës dhe identitetit maqedonas. Jovica Paunoski, TV21, Berlin, Gjermani.