Mbappe tregon arsyen e largimit të mundshëm nga kombëtarja

Kylian Mbappe ka thënë se ai e kishte menduar shumë seriozisht largimin nga kombëtarja e Francës pasi mori abuzime raciste pas humbjes së penalltisë në Kampionatin Evropian të vitit 2020.

Kampionët e botës u eliminuan nga Zvicra në fazën e raundit të 16-të në qershorin e kaluar, pasi goditja e Mbappes u priu nga portieri Yann Sommer.

Presidenti i Federatës Franceze të Futbollit Noel Le Graet pohoi në një intervistë se Mbappe po mendonte të tërhiqej nga futbolli ndërkombëtar pas atij kampionati për shkak të mungesës së mbështetjes që mori pas humbjes së penalltisë vendimtare, përcjellë KosovaPress.

“Unë u takova me të pas Euros, ai ndjeu se Federata nuk e kishte mbrojtur pas penalltisë së tij të humbur dhe kritikave në rrjete”, tha Le Graet.

“Ne u takuam për pesë minuta në zyrën time. Ai ishte i zemëruar, nuk donte të luante më për skuadrën franceze – gjë që padyshim nuk e kishte menduar. E dini si është, ai është fitues, ai ishte shumë i frustruar, si të gjithë ne, nga eliminimi. Ai është shumë miqësor me median. Ai është një djalë i mrekullueshëm, shumë më kolektiv nga sa mendojnë njerëzit.”, shtoi ai.

Në lidhje me këtë Mbappe ka konfirmuar përmes një shkrimi në Twitter se kjo ishte për shkak të abuzimit racor që ai mori dhe jo vetëm për shkak se ai nuk u mbështet.

Ylli i Paris Saint-Germain shkroi: “Po më në fund i shpjegova atij (Le Graet) mbi të gjitha se ishte në lidhje me racizmin, dhe JO me penalltinë. Por ai konsideroi se nuk kishte pasur racizëm.”, ka shkruar Mbappe.