Martens me porosi deri te Mickoski: Të mos pranojë ndryshime kushtetuese për perspektivën inekzistente të BE-së

Përveç faktit që këto ditë zëvendës ndihmës sekretari i SHBA-ve, Daniel Escobar ka marrë garanci nga VMRO-DPMNE se do të qëndrojnë në rrugën evropiane, komentatori i Frankfurter Allgemeine Zeitung, Mikael Martens, porositi Mickoskin të mos sjellë ndryshimet kushtetuese, të cilat janë të nevojshme për vazhdimin e proceseve integruese evropiane. Kështu ka shkruar në rrjetin social X Martens, i cili cilësohet si njohës i mirë i situatës në Ballkan, i cili thotë se kjo nuk duhet të bëhet në kuadër të, siç ka deklaruar, një perspektive jo ekzistuese të BE-së.

 “Kryeministri i ardhshëm, Mickoski duhet vetëm të inkurajohet që të hedh poshtë kushtet e BE-së dhe Bullgarisë për negociatat aderuese. Ai do të ishte i çmendur që t’i besojë BE-së, Parisit apo Berlinit që të ndryshojë kushtetutën e vendit të tij për perspektivën “inekzistuese të BE-së””, tha Mikael Martens, komentues në Faz.

Por, perspektiva e BE-së gjithashtu ishte një nga temat e bisedës së Presidentes, Gordana Siljanovska Davkova me kolegun e saj italian Sergio Matarella gjatë takimit të saj me të në kremtimin e Shenjtorëve Kiril dhe Metodi. Matarella, siç theksoi Siljanovska, ka dhënë garanci se do të avokojë fuqishëm për rrugën tonë të integrimit evropian si dhe për zgjidhjen e marrëdhënieve me fqinjët.

“I kërkova presidentit italian dhe Italisë që të ndihmojnë në rrugën tonë përpara në sigurimin e garancive për të ardhmen tonë politike evropiane, ku ai u përgjigj se është i gatshëm të qëndrojë me ne, kuptohet në kërkimin e zgjidhjeve me fqinjët tanë”, deklaroi Gordana Siljanovska Davkova, presidente e RMV-së.

Mickoski dje në fjalimin në Strugë për festën e Shenjtorëve Kirili dhe Metodi, duke iu referuar integrimeve evropiane, tha se vendi padrejtësisht ka paguar një çmim të lartë duke pritur anëtarësim në BE, i cili shtoi se nuk do heq dorë nga ëndrra për të qenë pjesë e Unionit, por nuk përmendi asgjë për ndryshimet kushtetuese.