Presidenti i Francës, Emanuel Makron, do të udhëtojë nesër për në Liban për t’u takuar me të gjithë aktorët politikë, pas shpërthimit që e shkatërroi Bejrutin, me ç’rast humbën jetën të paktën njëqind persona dhe u plagosën mijëra të tjerë, njoftoi sot Pallati i Eliseut.
Është parashikuar që Makron të takohet me presidentin dhe kryeministrin libanez Mishel Aun dhe Hasan Diab.
Një komunikatën e Pallatit të Eliseut theksohet se Franca tashmë ka dërguar ekuipazhe, pajisje dhe ndihmë në Liban. Nga Marseja është dërguar edhe pajisje e urgjencës dhe një ekuipazh mjekësor prej nëntë personave.
“Tre aeroplanë do të fluturojnë për në Bejrut sot, një nga Marseja me ekip mjekësor, një nga aeroporti Ruasi i Parisit me 25 ton pajisje dhe ekipe sigurie nga Ministria e Punëve të Brendshme”, deklaroi ministri i Jashtëm francez Zhan Iv le Drian.
Ai shtoi se Franca në ditët në vijim do të marrë iniciativën për mobilizimin e ndihmës ndërkombëtare, veçanërisht në nivelin evropian.
“Është e rëndësishme tani të tregohet solidaritet ndërkombëtar”, theksoi Drian.