LSDM ndryshon statutin e partisë! Lideri i ardhshëm do të zgjidhet me shumicën e votave të të gjithë anëtarëve

TË FUNDIT

Lideri i partisë së Socialdemokratëve në të ardhmen do të zgjedhet në zgjedhje brenda-partiake. Kjo do të thotë se në të ardhmen çdo anëtarë do të mund të votojë dhe në mënyrë të drejtpërdrejtë të vendos se kush do të udhëheq partinë, e jo si deri më tani kur kryetari zgjedhej nga delegatët në Kongres.

 “Çdo anëtar mund të votojë dhe drejtpërsëdrejti të vendosë se kush dhe si ta udhëheqë partinë. Zgjedhjet e para të këtilla duhet të mbahen vitin e ardhshëm kur skadon mandati i kësaj kryesie, pranverën e ardhshme”, deklaroi Zoran Zaev – Kryetar i LSDM-së.

Dëshirojmë të sigurojmë më shumë demokratizim të partisë dhe organeve të LSDM-tha Zaev. Si risi e Kongresit, u tha se LSDM në të ardhmen do të ketë dy deri në katër nënkryetarë. Në preambulën e Statutit do të shtohen drejtësia dhe ekonomia, paralajmëroi sekretari i përgjithshëm i partisë. Askush nuk duhet të shpresojë se nëse i shkel ligjet për këtë do të marrë mbështetje nga partia. Pasqyra se politikanët janë të korruptuar dhe arrogant duhet patjetër të fshihet përgjithmonë, tha Nikollovski.

 “Secili ai për të cilin ka dyshim se e ka shkelur ligjin do të duhet të ballafaqohet me ligjin pa marrë parasysh nëse është anëtar apo funksionar i LSDM-së”, theksoi Lupço Nikollovski – Sekretar i Përgjithshëm i LSDM-së.

LSDM është parti bashkëkohore, demokratike dhe prosperitare, theksoi Nikollovski.

 “Derisa ne si LSDM shikojmë përpara dhe bëjmë gjithçka që shteti të përparojë, nga ana tjetër është VMRO-DPMNE-ja që për fat të keq është ngecur në kohën e regjimit, e kthyer kah vetja e saj dhe interesat e tyre personale. Janë ngecur në strukturat kriminale të udhëhequra nga jashtë, nga Budapesti”, shtoi Sekretari i Përgjithshëm i LSDM-së, Lupço Nikollovski.

Me Zaevin shteti pëson regres – reaguan nga VMRO-DPMNE.

“Zaev ta lëshojë matricën destabilizuese e cila na u bë gjysmë milion qytetarë që jetojnë me 130 denarë në ditë dhe 40 mijë të papunësuar të rinj”, thonë nga VMRO-DPMNE.

Përndryshe përveç ndryshimit të Statutit në Kongres janë analizuar edhe rezultatet post-zgjedhore si dhe projeksionet për katër vitet e ardhshme.Kongresi i 25 digjital, i cili është i pari i llojit të tillë, ishte virtual por i mbyllur për publikun. Delegatët ishin në shtabet komunale, ndërsa udhëheqësia në selinë qendrore në Bihaçka.