Los Angeles Times: Teoria e daljes së virusit nga laboratori më pak e mundshme

Gazeta amerikane “Los Angeles Times” raportoi më 26 gusht se muajt e fundit e ashtuquajtura teori e “daljes” së korona virusit të ri nga laboratori kinez është zhdukur nga faqet e para të mediave kryesore, gjë që e bën “teorinë e daljes nga laboratori” të duket si më pak e mundshme.

Arsyeja është e thjeshtë. Shumë punime shkencore të botuara kohët e fundit tregojnë se bashkësia shkencore mbështet dëshminë e origjinës zoonotike dhe evolucionit natyror të korona virusit të ri, domethënë, korona virusi i ri transmetohet nga kafsha bartëse te njerëzit, dhe jo me mjete artificiale.

Artikulli i gazetës “Los Angeles Times” thekson se përcaktimi i origjinës së virusit është i rëndësishëm, sepse do ta udhëheqë bashkësinë ndërkombëtare në hapat që mund të ndërmerren për të shmangur pandemitë e ardhshme. Sidoqoftë, nëse gjurmueshmëria është në drejtimin e gabuar, kjo do të thotë që burimet globale do të harxhohen në masa të kota.

Artikulli beson se provat që e ashtuquajtura “teori e daljes laboratorike” po zhduken, janë të pasakta, sepse kjo teori nuk ka pasur asnjëherë prova, por vetëm spekulime.

Në fakt, që në fillim “teoria e daljes laboratorike” u drejtua nga ideologjia, jo nga shkenca. Në artikull theksohet gjithashtu se pohimet që mbështesin “teorinë e daljes laboratorike” nuk janë vetëm spekulime, por gjithashtu spekulime të rreme në shumë raste. Ato shpesh bazohen në informacione të gabuara, mosnjohjen e shkencës, e madje edhe në përkthime të dobëta nga dokumente në kinezishte.