Liderë të BE-së do të vijnë në Maqedoni! Rokas: Shpresoj se do të lëvizim përpara

Euroambasadori Mihailis Rokas pret progres në rrugën integruese. Thotë se në nivel të BE-së po punohet me Qeverinë e vendit për tejkalimin e çdo çështjeje të mbetur para fillimit të negociatave. Këtë e theksoi si përgjigje për idenë e raportuesit Tomas Vajc që Komisioni Europian, Këshilli i BE-së dhe qeveria bullgare të japin deklaratë se ndryshimi i Kushtetutës është kërkesa e fundit.

“Ka aktivitete intensive, aktivitete diplomatike dhe shkëmbime. Liderët e BE-së do ta vizitojnë Shkupin në dy-tre muajt e ardhshëm dhe shpresoj se do të kemi mundësi që të hapërojmë përpara2, tha Rokas.

Nga ana tjetër, Kryeministri Hristijan Mickoski theksoi se përfaqësues të lartë të BE-së edhe më herët kanë folur për çështjet e fundit dypalëshe.

“U ulën para meje dhe më shikonin në sy dhe më thoshin emri është puna e fundit që duhet ta bëni. Normalisht ne edhe atëherë ishim kundër, por edhe atëherë u thosha se nuk po e flasin të vërtetën dhe se kjo nuk është çështja e fundit”, tha Mickoski.

Tani kryeministri kërkon vepra.

“Ndërsa veprat sipas meje paraqesin njoftim të vendimeve gjyqësore nga Gjykata për të drejtat e njeriut në Strasburg për komunitetin maqedonas në Bullgari”, deklaroi ai.

Jo zyrtarisht periudhën në vijim vendin pritet që ta vizitojë edhe komisionerja për zgjerimin Marta Kos, me të cilën pritet që të bisedojë për mënyrat e zhbllokimit të procesit.