Leondardo Dicaprio sërish në mbrojtje të lumit Vjosa në Shqipëri

Aktori me famë botërore, Leonardo DiCaprio, i ka dalë edhe njëherë në ndihmë iniciativës për të mbrojtur lumin Vjosa në Shqipëri.

Ai ka publikuar në llogarinë e tij zyrtare në Instagram disa fotografi të lumit Vjosa dhe protestave të shqiptarëve për ta mbrojtur atë.

Fotografitë janë të shoqëruara me hashtagun #VjosaNationalParkNow, me kërkesën e banorëve ndaj Qeverisë së Shqipërisë, për ta shpallur lumin Vjosa park ndërkombëtar.

“Lumi Vjosa i Shqipërisë është lumi më i madh i egër në Evropë. Nga malet e Greqisë deri në Detin Adriatik në Shqipëri, ai shtrihet në 300 kilometra, plotësisht i lirë nga barrierat artificiale, si digat e hidrocentraleve. Lumenjtë dhe përrenjtë që janë degë të Vjosës janë shtëpia e më shumë se 1,100 specieve të botës së egër, shumë prej të cilave janë të kërcënuara.

Vjosa është kurora e #BlueHeartofEurope (Zemrës së kaltër të Evropës) dhe njerëzit në të gjithë Shqipërinë duan ta mbrojnë atë përgjithmonë. Ata po i kërkojnë qeverisë së Shqipërisë për të krijuar #VjosaNationalParkNow, i cili do të ishte parku i parë i lumit të egër në Evropë.

Le të qëndrojmë me ta. Klikoni në linkun tim në bio për të parë filmin dhe për të nënshkruar peticionin”, ka shkruar DiCaprio në Instagram.

View this post on Instagram

A post shared by Leonardo DiCaprio (@leonardodicaprio)