Kuvendi e votoi pakon e pestë ekonomike, deputetë të infektuar me koronavirus siguruan kuorum

E veshur me skafanderë dhe e infektuar me koronavirus, deputetja e LSDM-së, Bisera Stojçevska nëpërmjet Facebook-ut informoi se do të marrë pjesë në Kuvend për të miratuar ligjet për pakon e pestë ekonomike.
Deputetja kishte ardhur me ambulancë, ndërkohë që po priste jashtë Kuvendit që të fillojë seanca.
Kur u afrua ora 14 dhe seanca duhej të fillonte, deputetja e infektuar doli nga autoambulanca. Tha se ka ardhur të votoj që t’iu dal në ndihmë qytetarëve.

“Erdha të votoj, duhet t’ju ndihmojmë qytetarëve.”, deklaroi ajo gjatë hyrjes në Kuvend.

Përveç saj, në Kuvend me koronavirus erdhi edhe deputeti Miroslav Bogdanovski.

Kryeparlamentari Talat Xhaferi hapi seancën e 32-të, por ashtu edhe siç kishin paralajmëruar të pranishëm në seancë nuk ishin deputetët e VMRO-PDMNE-së.
Xhaferi po kalonte pikat e rendit të ditës, e kryetari i partisë “E Majta” kërkonte procedurale, duke i qëndruar para Xhaferit me rregulloren e Kuvendit në duar. Pasi që iu dha fjala, Apasiev tha se prania në kuvend e deputetëve të infektuar është vepër penale.

“Deri tani keni bërë teatër në Kuvend, ndërsa sot kryet edhe vepër penale.21.58-22.09 Sot kemi dy deputet që janë sjell në Kuvend, në kundërshtim me ligjin. Që të jetë ironia më e madh, kjo është vepër penale për të cilën nuk ju vlen as imuniteti”, tha Apasiev.

Por Xhaferi vazhdoi me punë dhe nisi me seancën e 36-të . Kuvendi me 115 vota “për” asnjë kundër dhe asnjë të përmbajtur votoi ligjet nga pakoja e pestë ekonomike.
Deputetët e infektuar nga kabinat e izoluara votonin për ligjet.
Edhe VMRO-DPMNE reagonte vazhdimisht për mosrespektim të rregullave anticovid.

“Me sjelljen tuaj jo ligjore, të papërgjegjshme, jo racionale dhe me pafytyrësi e rrezikoni shëndetin dhe jetën e të punësuarve në Kuvend, sepse askush nuk është i veshur me skafandër, as sigurimi e as shërbimet dhe as deputetët që janë ën Kuvend. Për këtë do të ketë përgjegjësi dhe padi penale”, u shpreh Micevski.

Kryeparlamentari Talat Xhaferi tha se pjesëmarrja e deputetëve të infektuar në seancë plenare, është me leje paraprake të Komisionit për Sëmundje Ngjitëse.

“Më 18 nëntor kam marrë vendim nga Komisioni për sëmundje ngjitëse, me plotësim të protokollit, nën kushte të caktuara, deputetët të mund të kryejnë funksionin e tyre edhe në kushte të tilla. Ata janë të izoluar secili veçmas në kabina, dhe u mundësohet që të hyjnë dhe dalin nga Kuvendi duke mos pasur asnjë kontakt me askënd”, sqaroi Xhaferi.

Miratimi i këtyre ligjeve u vonua për dy muaj, duke lënë mijëra qytetarë pa paga dhe me pushim të detyruar.