Kurtoa: Të gjithë me padurim e presin rifillimin e La Ligës

Portieri i Real Madridit, Tibo Kurtoa e shprehu entuziazmin e tij për vazhdimin e stërvitjeve.

Këtë javë, skuadrat spanjolle i filluan stërvitjet përsëri pas një pauzë dy-mujore.

“Të gjithë me padurim e presin rifillimin e La Ligës dhe betejën për titullin. Ne nuk mund të prisnim të stërvitemi përsëri pas dy muajsh, të jemi së bashku si ekip. Edhe pse është pak më ndryshe, është gjithmonë bukur të kthehesh në ‘Valdebebas’ për stërvitje. Stërvitjet në shtëpi janë ndryshe, por unë mendoj se të gjithë kanë punuar mirë dhe janë mbajtur mirë. Portierët ishin me fat, sepse ne u lejuam të stërvitemi me një trajner javën e kaluar. Këtë javë, kur shokët e skuadrës dërgojnë goditje, ekziston sens i stërvitjes së vërtetë”, tha Kurtoa.