Përmes rritjes së pagave dhe pensioneve konfirmuam se mbrojmë standardin e jetesës së qytetarëve, tha kryeministri Dimitar Kovaçevski gjatë vizitës së fabrikës Vitaminka në Prilep.
“Të jesh kryeministër në kohë të krizës më të madhe botërore, e shkaktuar nga agresioni ushtarak, në kohë kur bursat botërore të produkteve themelore ushqimore, të derivateve të naftës dhe energjencave janë në nivel më të lartë historik pas luftës së dytë botërore, të jesh kryeministër kur vendi, përkatësisht Evropa sapo doli nga kriza shëndetësore dhe nga pasojat ekonomike që shkaktuan edhe krizë energjetike e cila u ndërlidh, është përgjegjësi e madhe”, tha Dimitar Kovaçevski, kryeministër.
Në Ministrinë e Ekonomisë sot përgatitet analizë në lidhje me atë se si do të zbatohen masat e sjella, por nëse lufta në Ukrainë vazhdon, nuk përjashtohet mundësia që të sillen edhe masa të reja.
“Shteti jonë ekonominë kryesisht e ka me BE-në në përputhje me marrëveshjen për stabilizim dhe asociacion dhe në përputhje me marrëveshje e CEFTA-së dhe kjo mund të zgjerohet në rast se lufta në Ukrainë vazhdon dhe atëherë duhet nga shtetet tjera të furnizohemi me lëndë të para ose produkte finale”, pohoi Kreshnik Bekteshi, ministër i Ekonomisë.
Kryeministri dhe Ministri i ekonomisë vizituan kompaninë Vitaminka në Prilep. Përfaqësuesit e fabrikës deklaruan se kanë lëndë të para për prodhimin e vajit për tre muajt e ardhshëm, por është siguruar edhe import për më tej.
“Mundohemi që ta mbajmë çmimin në nivel real, në nivel që është minimal për të kënaqur nevojat për ekzistencën e fabrikës. Ne nuk kemi sasi të madhe të vajit për gatim që eksportonim. Kemi sasi simbolike për Kosovën dhe Shqipërinë. Neve nuk na ka goditur ajo masë dhe mendoj se është e arsyeshme për të mbrojtur tregun vendas”, tha Sasho Naumovski, drejtor i përgjithshëm i Vitaminkës.
Kryeministri komentoi edhe analizën e Kombeve të Bashkuara sipas së cilës në Maqedoni jetojnë njerëzit më të palumtur në Ballkan. Por ai është optimist.
“Nëse vazhdojmë në këtë drejtim, atëherë vlerësoj se do të rritet kënaqësia te qytetarët tanë dhe do të jetë në nivel të shteteve që janë më të zhvilluara se vendi jonë“, tha Dimitar Kovaçevski, kryeministër.