Kryetari i Këshillit Evropian, Antonio Koshta, nesër do të qëndrojë për një vizitë zyrtare në vend. Një nga temat kryesore që pritet të diskutohet gjatë takimeve është edhe çështja me Bullgarinë.
Ministri i Punëve të Jashtme, Timço Mucunski, deklaroi se pozicionet e vendit janë të bazuara në parime të qarta, duke theksuar se, ashtu siç Bullgaria ka pritshmëri nga vendi jonë, edhe Maqedonia e Veriut ka pritshmëritë e saj.
“Kur Sofja na bën thirrje të jemi pak më të thjeshtëzuar, mendoj se deklarata ishte se duhet të kërkojmë një zgjidhje për të qenë më të arsyeshëm. I bëj thirrje Sofjes të shohë veten dhe të jetë përgjegjëse për proceset rajonale që kanë edhe rëndësi gjeopolitike. Nëse vendi siguron garanci institucionale nga Këshilli, ndërsa Bullgaria në mënyrë reciproke zbaton vendimet që ka detyrim t’i zbatojë, atëherë krijohen kushtet për ndërtimin e besimit të ndërsjellë mes dy palëve”, tha Timço Mucunski, ministër i punëve të Jashtme.
Kryetari i opozitares LSDM Venko Filipçe deklaroi se zyrtarisht skadon afati që kryeministri Hristijan Mickoski vendosi para qytetarëve, i cili është përmbushja e pikave të paplotësuara të axhendës së reformave. Siç tha u konfirmua një tjetër gënjeshtër e qartë dhe e padiskutueshme e Hristijan Mickoskit kështu erdhi në pushtet me gënjeshtra, kështu qeveris.
“Deri në qershor 2025 16 ligje duhej të miratoheshin. Pastaj u miratuan vetëm gjashtë. Për 10, afati u zgjat deri në qershor 2026. Dhe çfarë ndodhi? Nga ato 10 ligje, të cilat nuk u miratuan në qershor 2025, kështu që Evropa e zgjati afatin deri në qershor 2026, zbatimi është përsëri vetëm 20%, domethënë, janë miratuar vetëm dy ligje – Ndryshimet në Ligjin e Doganave dhe Ligji për Sigurinë e Sistemeve të Informacionit të Rrjetit”, tha Venko Filipçe, kryetar i LSDM-së.
Ndryshe, rruga drejt anëtarësimit ka mbetur e bllokuar, kryesisht për shkak të një kushti të vetëm: ndryshimet kushtetuese. Kryeministri Mickoski ka deklaruar qartë se qeveria e tij nuk do të nisë ndryshimet kushtetuese, derisa nuk merr garanci nga BE-ja se më nuk do të ketë kërkesa të reja nga Bullgaria.