Korrespondenti i TV21, Senat Zylbehari koordinator i ri SHGM-së në Tetovë

Gazetarët e qendrës rajonale të SHGM-së në Tetovë dje kanë mbajtur takim pune në Tetovë, me përfaqësues të Shoqatës së Gazetarëve të Maqedonisë (SHGM). Në këtë eveniment kolegët njëzëri zgjodhën gazetarin, korrespondentin e TV21 Senat Zylbehari për koordinator të ri rajonal për qendrën rajonale të SHGM-së në Tetovë, ndërsa gazetari Zoran Dimovski u zgjodh zëvendës i tij.

Kolegu Zylbehari falënderoi kolegët e pranishëm për mbështetjen dhe në një diskutim të përbashkët u theksuan problemet me të cilat përballen gazetarët dhe punonjësit e mediave në këtë rajon, si dhe zgjidhjet e mundshme. Sfida më e madhe me të cilën ballafaqohen gazetarët atje është ulja e transparencës së disa prej institucioneve publike në nivel lokal, gjë që i pengon ata të bëjnë punën e tyre në mënyrë profesionale. Gjithashtu, në këtë rajon kanë ndodhur kërcënimet dhe sulmet të rënda ndaj gazetarëve dhe kolegëve që punojnë në media.

Kryetari i SHGM-së, Mlladen Çadikovski, theksoi se solidariteti mes gazetarëve është shumi i rëndësishmi për krijimin e kushteve për një mjedis më të mirë. Përveç rritjes së aktiviteteve në këtë qendër rajonale, janë planifikuar edhe takime të përbashkëta me institucionet përkatëse në Shkup për temat që kanë të bëjnë me sigurinë e gazetarëve dhe përmirësimin e transparencës së institucioneve lokale.