Ministri i Drejtësisë Bojan Maripiq thotë se korniza ligjore për momentin nuk lejon gjykim klasik onaljn siç ndoshta ka në shtete tjera.
“Ne jemi të vetëdijshëm se korniza ligjore për momentin nuk lejon gjykim klasik onlajn siç ndoshta ka në shtete tjera ose për çfarë u hap diskutimi. Unë shoh se disa nga titujt nëpër mediume tregojnë në tërheqjen time nga qëndrimet. Jo. Përkundrazi, nuk heq dorë. Megjithatë e vërteta është se kjo është çështje e cila është e ndërlikuar dhe e cila kërkon diskutim nga të gjithë faktorët dhe aktorët. Një ministër ose vetëm Qeveria nuk mund ta zgjidhë këtë problem sepse çfarë do vendimi ligjor që do të përshkruajmë ne, do të thotë gjyqësia dhe prokuroria do të duhet t’i implementojnë”, ka thënë Mariçiq duke u përgjigjur në pyetje të gazetarëve në konferencën e sotme për shtyp.
Ai thotë se është më mirë të vazhdohet diskutimi dhe të kërkohet një zgjidhje e përbashkët që do të funksionojë në praktikë dhe që nuk do të lejojë ose kontribuojë në shumë vonesa në çdo rast, qoftë kjo një çështje penale apo çështje civile.
“Ne kemi luftuar me këto vonesa për vite në të kaluarën si shtet dhe si një sistem gjyqësor, dhe për këtë arsye nuk duhet të lejojmë që kjo të ndodhë më. Jam në dispozicion dhe mund të ftoj publikisht të gjithë përfaqësuesit e Këshillit Gjyqësor dhe Këshillit të Prokurorëve me të cilët kemi diskutuar këto çështje deri më tani, megjithatë, si Shoqata e Gjyqtarëve ashtu edhe Shoqata e Prokurorëve Publikë së bashku duhet të gjejnë një zgjidhje se si të mos ndalet sistemi gjyqësor dhe si të vazhdojnë seancat në mënyrë që të mos përballemi me vonesa të mundshme, prapambetje ose, Zoti na ruajt, vjetërsim i objekteve. Unë nuk mendoj se ndonjë zgjidhje duhet të refuzohet” tha Mariçiq.
Sipas tij, kërkohet zbatim praktik për çdo zgjidhje. “Qeveria është e gatshme të diskutojë dhe të gjejë mënyrën më të mirë për të ruajtur shëndetin e pjesëmarrësve në procedurë, por nga ana tjetër të mos rrezikojë sigurinë e procedurave, as parimin ligjor të shtetit të së drejtës”, tha ministri i Drejtësisë./MIA