Komunat e pollogut problem me mbeturinat, toneleta mbeturinash në vendin e ngarkim-shkarkimit në Tetovë

TË FUNDIT

Vendi i ngarkim-shkarkimit të mbeturinave në qytetin e Tetovës për mbeturina është shndërruar në një mal me mbeturina. Nga ndërmarrja publike komunale thonë se ata janë duke bartur çdo ditë nga 150 ton mbeturina për në deponinë Drislla por qyteti i Tetovës ka më shumë mbeturina në këtë periudhë dhe nuk mund të arrijnë t’i pastrojnë në kohë.

 “Duke vazhduar nga viti 2015 deri në ditën e sotme, ne vazhdojmë akoma të punojmë për t’i bartur mbeturinat për në Drisëll të Shkupit dhe pavarsisht se kostoja është e madhe ne akoma nuk kemi arritur marrëveshje që mbeturinat t’i çojmë në Rusino”, tha Xhelal Ceka, drejtor i NPK Tetova.

 Xhelal Ceka thotë se sistemi i mbyllur ishte dhënë nga Deponia Drislla dhe tani është larguar nga funksioni për shkak të numrit të madh të mbeturinave.

 “Ai sistem ishte i Drisllës nuk ishte sistem I ndërmarrjes publike , dhe menduam se një sistem do të funksionon por për shkaka të sasisë së madhe të mbeturinave e pamë se një sistem I tillë nuk mund të funksionon”, deklaroi Xhelal Ceka, drejtor i NPK Tetova.

 Sistem i mbyllur u promovua si një zgjidhje për qytetin e Tetovës me problemin e mbeturinave, por Tetova vazhdon të ketë mal me mbeturina në vendin e ngarkim-shkarkimit. Problem me mbeturinat dhe me djegien e mbeturinave kanë edhe qytetarët e Gostivarit të cilët gjatë ditës së djeshme edhe protestuan për largimin e deponisë Rusino nga ky qytet. Në Maqedoni akoma nuk kemi një deponi që i plotëson të gjitha standardet ekologjike dhe që bën riciklimin e mbeturinave.