Komisioni propozon kufijtë të hapen si në shtetet e rajonit, kafenetë prej nesër me protokoll të veçantë

TV21 mëson që Komisioni për Sëmundje Ngjitëse ka propozuar deri te Qeveria që kufijtë e shtetit të hapen në koordinim me shtetet e rajonit, ndërkaq kafenetë të hapen nga nesër me protokoll të veçantë.

Komisioni nuk ka diskutuar për datë konkrete se kur duhet të hapen kufijtë, por edhe siç raportuam dje në edicionin qendror të lajmeve, shtetet e rajonit kufijtë do t’i hapin nga 1 qershori.

Ky propozim i Komisionit për të hyrë në fuqi do të duhet të marrë dritë jeshile nga Qeveria.

Sa i takon protokollit për objektet hotelerike nuk bëhen të ditura masat konkrete, ndërkaq me shumë gjasë ata do të bazohen në mbajtjen e distancës dhe me numër të kufizuar të vizitorëve.

Jozyrtarisht thuhet se nga e diela do të shfuqizohet edhe ora policore për shkak të skadimit të afatit të caktuar për gjendjen e jashtëzakonshme.