Vazhdon të jetë e hapur thirrja për iniciativën “Ndërtesa e Gjelbër” nga kompania Energy Ecolink, transmeton TV21. Gara për 15 ditë ngrohje falas është e hapur deri më 30 shtator.
Për të aplikuar, ndërtesa duhet të sigurojë pëlqimin e së paku 51% të pronarëve të apartamenteve, të ketë nënstacion funksional të ngrohjes, instalim të brendshëm të përfunduar dhe funksional, si dhe nënstacioni të mos ketë detyrime të papaguara për energjinë elektrike.
Banorët duhet të mbledhin nënshkrimet e nevojshme, ndërsa dokumentet mund t’i dorëzojnë fizikisht në ambientet e Energy Ecolink ose të skanuara përmes postës elektronike.
“Ndërtesa e Gjelbër” është program pilot për objektet banesore që dëshirojnë të lidhen me sistemin modern të ngrohjes qendrore. Ndërtesat e aplikuara do t’i nënshtrohen një vlerësimi teknik dhe operativ, ndërsa objekti që i plotëson më së miri kriteret do të përfshihet në një periudhë testuese 15-ditore të ngrohjes gjatë muajit nëntor, pa kompensim.
Aplikimet janë të hapura deri më 30 shtator.
Për më shumë informacione:
E-mail: info@energyecolink.mk
Telefon: +389 2 2636 156