Komisionari Han i shqetësuar me Orbanin, kryeministrin e Hungarisë

Komisari evropian i Financave, Johanes Han ka shprehur shqetësim për ligjet e jashtëzakonshme të miratuara nga Hungaria, të cilat i kanë dhënë kryeministrit Viktor Orban kompetenca veçanërisht të larta.

Han, i cili është nënkryetar i Partisë Popullore Evropiane (EPP), për radiostacionin austriak Oe1 deklaroi se i ndjek zhvillimet me shqetësim të madh.

“Fakti që kemi 14 shtete që përdorin ligje të jashtëzakonshme, 13 prej të cilave janë nën kontroll të plotë parlamentar, shpesh me qeveri që nuk kanë shumicën në parlament, tregon se kjo është gjithashtu e mundur. Prandaj, për të qenë i sinqertë, unë kam shumë pak mirëkuptim dhe shpjegim për atë që Orbani po shkon në atë rrugë, duke pasur parasysh që Qeveria e tij, si e vetmja në Evropë, ka një shumicë prej dy të tretave në Parlament”, shpjegoi ai.

Të thuash që parlamenti po ngadalëson procesin e vendimmarrjes, sipas fjalëve të tij, nuk është e vlefshme dhe për këtë arsye situata duhet të shihet me shqetësim të madh.

Lidhur me sanksionet e mundshme nga ana e BE-së, Han tha që së pari duhej një analizë.