Kimi Antonelli është fituesi sensacional i Çmimit të Madh të Italisë, pasi nga pozita e 19-të në start arriti të kalojë i pari vijën e finishit. Me këtë triumf, ai bëhet piloti i parë italian pas 60 vitesh që fiton Çmimin e Madh të Italisë. I fundit që e kishte arritur këtë ishte Ludovico Scarfiotti në vitin 1966 me Ferrari.
Kjo është fitorja e parë e Antonellit në pistën e shtëpisë dhe njëkohësisht fitorja e shtatë e tij këtë sezon – të gjitha të arritura gjatë këtij edicioni. Ekipi i Mercedesit dominoi gjatë gjithë garës, ndërsa George Russell kryesoi për një pjesë të saj. Russell e përfundoi garën në vendin e dytë, ndërsa në podium u ngjit edhe Max Verstappen i Red Bull.
Garën e karakterizoi edhe piloti i Ferrarit, Charles Leclerc, i cili në xhirot e para humbi kontrollin mbi makinën dhe përfundoi në barrierat mbrojtëse, duke shkaktuar ndërprerjen e garës. Leclerc kishte pasur një incident të ngjashëm edhe para gjashtë vitesh në pistën e Monzës.
Në renditjen e përgjithshme kryeson Antonelli me 242 pikë, para Russellit dhe Lewis Hamiltonit të Ferrarit, të cilët kanë nga 183 pikë. Në renditjen e konstruktorëve kryeson Mercedes me 425 pikë, ndërsa pas tij renditet Ferrari me 346.
Gara e radhës zhvillohet pas shtatë ditësh në Madrid, për Çmimin e Madh të Spanjës.