Një ish deputet i parlamentit të Ukrainës, është vrarë me armë zjarri në kryeqytetin ukrainas, Kiev.
Zyrtari i lartë i ministrisë së brendshme, Anton Herashçenko ka thënë se Oleh Kalashnikov është gjetur i vrarë më 15 prill, në hyrje të apartamentit të tij. Kalashnikov, 52 vjecar, ka qenë anëtar i partisë së ish presidentit, Viktor Janukoviq. Herashçenko thotë se Kalashnikov kishte informacione rreth lëvizjes “Anti Majdan”, që kundërshtonte protestat pro perëndimore që e larguan nga pushteti ish presidentin Janukoviq, duke sugjeruar se ky mund të ishte motive i vrasjes së tij.