Këshilltari i presidentit turk për politikën e jashtme, Ibrahim Kalin, fajësoi sot Partinë e Punëtorëve të Kurdistanit (PKK) për trazirat në Paris, në të cilat u vranë tre kurdë.
“Kjo është PKK në Francë. Kjo është e njëjta organizatë terroriste që ju mbështesni në Siri. Kjo është e njëjta PKK që ka vrarë mijëra turq, kurdë dhe anëtarë të forcave të sigurisë në 40 vitet e fundit. Tani rrugët e Parisit po digjet. Do të heshtni?” – pyeti Kalin në Twitter dhe postoi foto të makinave të përmbysura dhe të djegura në Paris.
Turqia e konsideron Partinë e Punëtorëve të Kurdistanit një organizatë terroriste.
Protestat shpërthyen në Paris të premten pasi një person i armatosur hapi zjarr në Qendrën Kulturore Kurde në Paris, duke vrarë tre persona. Sulmuesi, i cili u arrestua menjëherë pas krimit, tha në seancë se motivi i tij ishte urrejtja ndaj të huajve.