Kejn: Totenhemi duhet të fitojë në 7-8 ndeshje që të plasohet në Ligën e Kampionëve

Lojtari më i mirë i Totenhemit, Hari Kejn e tha atë çka nevojitet që të përmbushen ambiciet e ekipit këtë sezon në Ligën e parë angleze.

“Gjithsesi, duhet të tentojmë të përfundojmë ndër katër të parët. Para nesh kemi ndeshje të rëndësishme me Mançester Junajtedin, ndërsa që të hyjmë në Ligën e Kampionëve, duhet të fitojmë në 7-8 ndeshje deri në fund. Ky është qëllimi ynë”, deklaroi Kejn.

Deri në fund Totenhemit i mbesin edhe nëntë ndeshje.

Pas 29 xhirove të luajtura në Kampionatin anglez të futbollit, “Sparsi” gjendet në vendin e tetë me 41 pikë, gjegjësisht shtatë më pak nga Zona e cila siguron pjesëmarrje në LK.