Prej sot u hap konsultim publik në Komisionin Evropian (KE) për gjetjen e mënyrës të parandalohen subvencionet e huaja dhe investimet të cilat i minojnë rregullat e konkurencës së lirë në Bashkimin Evropian, lajmëron korrespondentja e MIA-s nga Brukseli.
Konsultimi do të zgjasë deri më 23 shtator, pas së cilës Komisioni Evropian do të përgatisë propozim ligjor.
“Komisioni Evropian është i hapur dhe ngushtë i lidhur me pjesën tjetër të botës. Nëse duam kjo të mbetet në fuqi, duhet të jemi të kujdesshëm. Për atë na nevojiten vegla me të cilat do të sigurohemi se subvencionet e huaja nuk e shtrembërojnë tregun tonë, siç bëjmë me subvencionet nacionale”, deklaroi Margaret Vestager, nënkryetare ekzekutive e Komisionit Evropian e obliguar për konkurencë.
Në Bashkimin Evropian ndihma shtetërore dhe subvencionet janë rreptësisht të kontroluara nga ana e Komisionit Evropian, me qëllim që ato të mos e minojnë funksionomin e tregut të përbashkët evropian. Megjithatë, këto rregulla vlejnë vetëm për vendet-anëtare të BE-së.
“Unioni nuk disponon me instrumente të parandalojë lloj të tillë të subvenioneve nga ana e shteteve të huaja. Prej këtu nevoja të përgatiten vendime të reja ligjore në nivel të BE-së”, sqaroi Vestager.
Nënkryetarja e KE-së theksoi se “bëhet e qartë se kontrolli mbi qeveritë e BE-së nuk është i mjaftueshëm”, edhe pse investimet e huaja janë të rëndësishme për rritjen ekonomike dhe vendet e punës në BE, ato mund t’i bëjnë dëm forcave të tregut të lirë në Union.
Sipas analizave të KE-së gjithnjë e më shpesh është konstatuar “efekt negativ” i subvencioneve të cilat vijnë nga qeveritë jashtë BE-së për firmat të cilat veprojnë në BE.
Edhe pse është e qartë që këto rregulla janë nxitur nga ndikimi i rritur i vendeve të mëdha si Kina, eurokomisari i obliguar për tregun e brendshëm, Tieri Breton, theksoi se ato do ta prekin edhe Mbretërinë e Bashkuar prejse tërësisht do ta braktisë BE-në./MIA